presidentes

Luis Cornide Quiroga
Monforte de Lemos, Lugo (1884)
Madrid (06/11/1946)

3

Anos

(1906, 1907, 1908)

Secretario da Liga de Amigos, foi designado primeiro presidente da historia do Deportivo. Avogado, político, empresario do sector eléctrico e membro da Real Academia Galega.

presidentes

Laureano Martínez Brañas
Lugar descoñecido (24/12/1860)
A Coruña (25/12/1941)

2

Anos

(1908,1909)

Contratista de obras e corredor de comercio. Pouco despois de abandonar a presidencia do Deportivo ocupou o mesmo cargo no seu acendido rival, o Real Club Coruña e, máis adiante, entre 1923 e 1924, foi alcalde da Coruña.

presidentes

José Longueira Díaz
Lugar descoñecido / Data descoñecida
A Coruña (7/06/1945)

6

Anos

(1909, 1910, 1911, 1912, 1913, 1914)

Contador da xunta directiva fundacional, foi o presidente do primeiro título nacional da máxima categoría, a Copa España de 1912. Axente de aduanas, cando finou era tenente de alcalde.

presidentes

Rogelio Fernández Conde
Lugar descoñecido (17/11/1876)
A Coruña (07/08/1957)

5

Anos

(1914, 1915, 1916, 1917, 1918)

Concelleiro coruñés, presidente da Cámara de Comercio e da Liga de Amigos e conselleiro de Fenosa, presidiu o Club en medio do cisma co Real Club Coruña durante o que o gobernador civil prohibiu os partidos de fútbol entre os dous equipos.

presidentes

Virgilio Rodríguez Rincón
A Coruña (15/02/1890)
A Coruña (02/06/1978)

5

Anos

(1918, 1919, 1920, 1945, 1946)

Socio fundador e xogador do primeiro Deportivo, co que logrou a Copa España de 1912. Peza clave na reunificación de 1918. Presidente en dúas épocas distintas: na segunda o Club logrou volver á Primeira, en 1946. Medalla de ouro e brillantes do Deportivo. Finou en 1978, o mesmo día ca Santiago Bernabéu, sendo o socio número 1.

presidentes

Juan Casal Rey
Lugar descoñecido (20/01/1889)
A Coruña (01/08/1961)

3

Anos

(1920, 1921, 1922)

Catedrático e vicedirector da Escola de Comercio. Secretario do Sporting Club Casino e presidente da Reunión de Artesanos.

presidentes

Carlos González de Ancos
Lugar descoñecido (29/02/1891)
A Coruña (12/06/1975)

2

Anos

(1922, 1923)

Xogador entre 1908 e 1919 do Deportivo, do que foi capitán. Presidente do Deportivo Auténtico e despois do Deportivo. Tras o seu mandato de pouco máis dun ano emigrou para Cuba, onde ademais de rexer os seus negocios exerceu como xornalista deportivo.

presidentes

Maximino Fernández Gago
Lugar descoñecido (01/05/1890)
A Coruña (29/12/1956)

3

Anos

(1923, 1924, 1925)

Médico especializado no deporte, vinculado á Agrupación Atlética Coruñesa e ao Club Náutico, no que patroneaba unha traiñeira. Primeiro presidente que formulou a necesidade de erixir un estadio.

presidentes

Arcadio García Tizón
San Fiz de Navío, Ourense (1884)
A Coruña (28/01/1961)

2

Anos

(1925, 1926)

Destacado comerciante de mobiliario, porcelana e cristal, foi tenente de alcalde, directivo da patronal e da Cámara de Comercio.

presidentes

Guzmán Rodríguez Rincón
Lugar descoñecido (07/09/1887)
A Coruña (08/06/1963)

2

Anos

(1926, 1927)

Irmán de Virgilio. Armador de buques pesqueiros. Directivo durante case toda a década dos anos 20. Presidente cando o Deportivo logrou o primeiro título galego.

presidentes

Galo García-Baquero y Sainz de Vicuña
Luanco, Asturias (31/05/1881)
A Coruña (01/01/1969)

3

Anos

(1927, 1928, 1929)

Médico otorrino (doutorado en Madrid en 1908, é o primeiro que abriu consulta na Coruña) e médico de beneficencia municipal, presidiu a Real Academia de Medicina. Casou con Ángeles Méndez-Gil, amor platónico de Picasso na súa etapa coruñesa.

presidentes

Luis López y López-Rioboo
Lugar descoñecido (30/10/1895)
Lugar descoñecido (12/05/1951)

1

Ano

(1929)

Avogado e concelleiro coruñés. Competidor en probas de tiro ao pichón. Presidente do Deportivo no seu debut na Liga.

presidentes

Carlos Allones Roffignac
Lugar descoñecido (08/03/1876)
Lugar descoñecido (25/08/1949)

4

Anos

(1929,1930, 1934, 1935)

Procurador dos tribunais. Un dos poucos presidentes que estivo no cargo en máis dunha etapa, aínda que as dúas foron breves.

presidentes

Víctor Mateo Malumbres
Navarra (12/10/1894)
A Coruña (01/05/1955)

2

Anos

(1930, 1931)

Navarro establecido na Coruña polo seu traballo como delegado de Papelera Española. Concelleiro coruñés en dúas etapas.

presidentes

Manuel Negreira Gosende
Negreira, A Coruña (06/22/1877)
A Coruña (18/02/1934)

1

Ano

(1931)

Emigrante en Cuba, onde presidiu o Club Iberia da Habana e rexentou diversos negocios. Cando regresou, casou cunha coruñesa e estableceuse na cidade, onde construíu unha casa na zona que hoxe recibe o nome de rúa Vila de Negreira.

presidentes

Eugenio Barrero Muñoz
Lugar descoñecido (17/03/1893)
A Coruña (15/12/1967)

1

Ano

(1931)

Presbítero e beneficiado da Colexiata de Santa María do Campo. Director do coral El Eco. Ocupou a presidencia do Deportivo durante catro meses.

presidentes

Felipe Rodríguez Fernández
Lugar descoñecido (01/06/1900)
A Coruña (06/12/1947)

4

Anos

(1931, 1932, 1933, 1934)

Fillo do cónsul de Alemaña na Coruña. Presidente do Deportivo que eliminou da Copa o Real Madrid, campión invicto da Primeira. Era coñecido como Felucho.

presidentes

Francisco Portela de Fano
Lugar descoñecido (01/01/1891)
Lugar descoñecido (02/08/1963)

1

Ano

(1935)

Secretario xudicial. Concelleiro na Coruña durante a II República.

presidentes

José María Salvador y Merino
Herrera del Pisuerga, Palencia (13/11/1904)
Madrid (02/06/1958)

7

Anos

(1935, 1936, 1937, 1938, 1939, 1940, 1941)

Avogado e comandante xurídico do Exército. Máximo mandatario no primeiro ascenso á Primeira. Foi fillo adoptivo da cidade e tivo unha rúa ao seu nome ata que se aplicou a Lei de memoria histórica.

presidentes

Ramón de Llano y Martín
Jovellanos, Cuba (24/08/1892)
A Coruña (01/05/1976)

3

Anos

(gestor único; 1936, 1937, 1938)

Nado en Cuba. Directivo desde 1918 ata 1947, durante a Guerra Civil mantivo con vida o Deportivo, exercendo como ‘xestor único’, xunto co presidente Salvador y Merino.

presidentes

Aurelio Ruenes Blanco
Corme, A Coruña (11/11/1892)
Lugar descoñecido (11/10/1987)

5

Tempadas

1941-1942, 1942-1943, 1943-1944, 1944-1945, 1946-1947)

Tras facer fortuna na súa xuventude en Arxentina, cando retornou investiu en negocios de alimentación, como Chocolate Express, aínda en activo. Presidente do debut na Primeira División. Sufriu dous descensos á Segunda (1945 e 1947).

presidentes

Ignacio Baeza Torrecilla
Lugar descoñecido (12/03-/906)
Lugar descoñecido (08/06/1986)

1

Tempada

(1947-1948)

Comandante de artillaría e técnico da Fábrica de Armas. Fundador e presidente do Club Deportivo Juvenil, primeira filial do Deportivo.

presidentes

Manuel Gila Lamela
Lugar descoñecido (17/03/1902)
A Coruña (26/06/1979)

1

Tempada

(1947-1948)

Avogado e presidente do consello de administración da Caixa de Aforros da Coruña e Lugo. Foi deputado provincial e concelleiro coruñés. O seu grande éxito como máximo dirixente do Deportivo foi o ascenso de 1948.

presidentes

Daniel Chaver Gómez
Baamonde, Lugo (16/07/1905)
Lugar descoñecido (08/11/1985)

2

Tempadas

(1948-1949, 1949-1950)

Coronel de enxeñeiros e diplomado do Estado Maior. Presidente do primeiro Deportivo subcampión da Primeira División. O seu fillo Javier era directivo cando o Deportivo ganou a Liga en 2000.

presidentes

Enrique Gómez Jiménez
Santa Clara, Cuba (29/05/1889)
Lugar descoñecido (18/01/1989)

2

Tempadas

(1950-1951, 1951-1952)

Fillo de galegos de Becerreá (Lugo) nado en Cuba, enxeñeiro de camiños e político. Con anterioridade presidiu o Lugo Sporting Club.

presidentes

Manuel Otero Peón
Mazaricos, A Coruña (05/10/1913)
A Coruña (21/01/1998)

1

Tempada

(1952-1953)

Avogado e notario. Decano do Colexio Notarial de Galicia. Foi concelleiro e ocupou a presidencia durante dez meses.

presidentes

Rafael Salgado Torres
A Coruña (23/10/1914)
A Coruña (20/09/1987)

1

Tempada

(1952-1953)

Coronel de infantaría e profesor mercantil. Alcalde de Bergondo (1948-1956), ao mesmo tempo presidiu unha xunta xestora do Deportivo durante sete meses.

presidentes

Antonio Martínez-Reboredo Rumbo
Lugar descoñecido (07/07/1907)
A Coruña (08/07/1967)

1

Tempada

(1953-1954)

Médico especialista en otorrinolaringoloxía e cirurxián. Durante a súa presidencia, o Deportivo cruzou por primeira vez o Atlántico para xogar en Uruguai, Arxentina e Brasil.

presidentes

José Iglesias Varela
Arteixo, A Coruña (24/04/1914)
Lugar descoñecido (24/12/1995)

2

Tempadas

(1954-1955, 1955-1956)

Industrial. Sucedeu a Martínez Rumbo, do que era vicepresidente, e permaneceu no cargo durante dous anos e tres meses, durante os que o Deportivo xogou e ganou por primeira vez o Teresa Herrera.

presidentes

Ángel Fernández Murga
Lugar descoñecido (31/05/1919)
Outeiro de Rei, Lugo (28/06/1980)

1

Tempada

(1956-1957)

Comandante de infantaría. Presidiu o club durante cinco meses. Faleceu nun accidente de tráfico na N-VI con 61 anos.

presidentes

José Luis Pérez-Cepeda Piñeiro
A Coruña (15/07/1919)
Valencia (22/12/1966)

1

Tempada

(1956-1957)

Avogado do Estado, tenente de alcalde, directivo da Federación Galega de Fútbol e do Español SD e presidente do Fabril. Morreu sendo concelleiro coruñés e días despois pasou a darlle nome a unha rúa.

presidentes

Feliciano Gómez Pedreira
Culleredo, A Coruña (14/12/1910)
A Coruña (05/04/2000)

2

Tempadas

(1957-1958, 1958-1959)

Avogado e exxogador do Deportivo e mais do Atlético de Madrid. Presidente durante ano e medio, evitou que o Club caese á Terceira por primeira vez tras superar unha dramática promoción contra o Ourense.

presidentes

Miguel Osset Acosta
Lugo (05/09/1894)
Lugo (16/12/1959)

1

Tempada

(1958-1959)

Coronel do exército. Tras dous meses no cargo, dimitiu por mor dunha grave enfermidade que acabou coa súa vida só cinco meses despois.

presidentes

Jesús Cebrián Brizuela
El Bierzo (25/01/1898)
A Coruña (16/01/1995)

5

Tempadas

(1959-1960, 1960-1961, 1961-1962, 1962-1963, 1963-1964)

Empresario do ramo da alimentación. Baixo o seu mandato o equipo logrou dous ascensos á Primeira (1962 e 1964); sufriu un descenso á Segunda (1963); xestionou o que foi o traspaso máis caro do fútbol español, o de Amancio ao Real Madrid, e conseguiu que Riazor dispuxera de luz artificial.

presidentes

Luis Julio Vázquez-Pena Núñez
Boimorto, A Coruña (07/11/1907)
A Coruña (25/04/1980)

1

Tempada

(1964-1965)

Médico especialista en xeriatría. Segundo tenente de alcalde, poñente de Beneficencia e Sanidade e deputado provincial. No seu breve mandato o Club caeu á Segunda.

presidentes

Antonio José González Fernández
A Coruña (01/02/1928)
A Coruña (24/11/2001)

8

Tempadas

(1965-1966, 1966-1967, 1967-1968, 1968-1969, 1969-1970, 1970-1971, 1971-1972, 1972-1973)

Segundo presidente máis lonxevo da historia. Xogador de fútbol e hóckey sobre patíns do Deportivo na súa xuventude, foi o primeiro presidente non catalán da Federación Española de Patinaxe e presidente fundador da CERS, a federación europea de patinaxe. Durante o seu mandato subiu tres veces á Primeira e descendeu outras tantas.

presidentes

Manuel Sánchez-Candamio Meigido
A Coruña (27/12/1915)
A Coruña (14/10/2000)

1

Tempada

(1973-1974)

Tenente coronel do exército. Exxogador semiprofesional no Badajoz e directivo de varios clubs modestos.

presidentes

Antonio Álvarez Rodríguez
A Coruña (01/05/1940)
A Coruña (08/01/2004)

8

Tempadas

(1974-1975, 1975-1976, 1976-1977, 1977-1978, 1978-1979, 1979-1980, 1980-1981, 1981-1982)

Presidente do Bosco de baloncesto e directivo con Antonio González, foi o primeiro dirixente deportivista que accedeu á xunta directiva da RFEF. Terceiro presidente máis lonxevo, viviu dous descensos á terceira categoría (1974 e 1980) e os conseguintes ascensos (1975 e 1981).

presidentes

Jesús Corzo Sierra
San Paio de Mones, Ourense (07/09/1930)
A Coruña (06/05/2000)

4

Tempadas

(1982-1983, 1983-1984, 1984-1985, 1985- 1986)

Construtor, xoieiro e político, anteriormente foi máximo mandatario do Racing de Ferrol, cidade na que se instalou cando regresou da súa estadía en Venezuela.

presidentes

Andrés García Yáñez
A Coruña (10/11/1931)
A Coruña (23/12/2014)

2

Tempadas

(1986-1987, 1987-1988)

Secretario da directiva de Corzo, substituíno por elección dos seus compañeiros da xunta. Presidente do Colexio de Xestores Administrativos de Galicia.

presidentes

Luis Carlos Morato Miguel
A Coruña (15/01/1953)

1

Tempada

(1987-1988)

Presidente interino durante dous meses, tras a dimisión de García Yáñez. Asesor fiscal, avogado e profesor de Económicas na UDC.

presidentes

Julio Meana Álvarez
A Coruña (06/03/1944)

1

Tempada

(1987-1988)

Presidente interino durante un mes, entre Morato e o inicio do mandato de Lendoiro. Posteriormente foi máximo mandatario da Federación Galega de Fútbol e como tal tivo a honra de lle entregar o trofeo de campión de Liga 1999-00 ao club que presidiu.

presidentes

Augusto Joaquín César Lendoiro
Corcubión, A Coruña (06/06/1945)

26

Tempadas

(1988-1989, 1989-1990, 1990-1991, 1991-1992, 1992-1993, 1993-1994, 1994-1995, 1995-1996, 1996-1997, 1997-1998, 1998-1999, 1999-2000, 2000-2001, 2001-2002, 2002-2003, 2003-2004, 2004-2005, 2005-2006, 2006-2007, 2007-2008, 2008-2009, 2009-2010, 2010-2011, 2011-2012, 2012-2013, 2013-2014)

O presidente máis lonxevo: dirixiu o Club durante algo máis dun cuarto de século. Levou o equipo a conquistar seis dos sete títulos nacionais da máxima categoría (unha Liga, dúas Copas do Rei e tres Supercopas). Baixo o seu mando, o Deportivo xogou os 112 partidos que disputou en Europa, que inclúen cinco edicións seguidas da Champions. Tamén logrou dous ascensos á Primeira e padeceu dous descensos á Segunda. Avogado de profesión, con anterioridade conduciu o Liceo á cúspide do hóckey sobre patíns.

presidentes

Constantino Fernández Pico
A Coruña (23/07/1966)

5

Tempadas

(2014-2015, 2015-2016, 2016-2017, 2017-2018, 2018-2019)

Fundador e presidente dunha das empresas punteiras de consultoría tecnolóxica a nivel nacional, asumiu a presidencia en medio do maior concurso de acredores da historia do deporte español. Traballou con éxito no saneamento do Club. Tras o ascenso de 2014, o equipo xogou catro temporadas consecutivas en Primeira.

presidentes

Francisco Martínez Zas
A Coruña (09/07/1961)

1

Tempada

(2019-2020)

Canteirán do Dépor, co que chegou a xogar en Segunda División. Empresario da construción. O seu mandato soamente durou sete meses.

presidentes

Juan Antonio Armenteros Cuetos
A Coruña (22/04/1969)

1

Tempada

(2019-2020)

Avogado de profesión, asumiu o cargo durante un breve período de transición entre a dimisión de Zas e a elección de Vidal.

presidentes

Fernando Vidal Raposo
A Coruña (20/08/1962)

1

Tempada

(2020-2021)

Baixo o seu mandato, pese a unha segunda volta con números de ascenso, o equipo caeu á terceira categoría prexudicado polo ‘caso Fuenlabrada’ durante a pandemia mundial da covid. Con anterioridade, foi conselleiro da área deportiva no ascenso a Primeira de 2014.

presidentes

Antonio Couceiro Méndez
A Coruña (18/12/1955)

2

Tempadas

(2021-2022, 2022-2023)

Enxeñeiro de camiños, foi Conselleiro de Industria e Comercio da Xunta de Galicia, presidente da autoridade portuaria da Coruña e da Cámara de Comercio da Coruña. A reclamación do título esquecido (Copa España de 1912) frutificou durante a súa presidencia.

presidentes

Álvaro Valentín García Diéguez
A Coruña (05/03/1959)

1

Tempada

(2023-2024)

Economista e licenciado en mercadotecnia, foi profesor universitario e director de ABANCA Seguros. Durante o seu mandato o Deportivo saíu da terceira categoría despois de catro anos.

presidentes

Juan Carlos Escotet Rodríguez
Madrid (23/07/1959)

2

Tempadas

2024-

Juan Carlos Escotet Rodríguez é presidente do RC Deportivo desde 2024. Banqueiro e empresario, é presidente de ABANCA e fundador e presidente de Banesco Internacional. Á fronte do Club impulsa un proxecto baseado na estabilidade institucional, a solvencia económica e o crecemento sostible, cunha visión de longo prazo. A súa presidencia reforza os valores históricos do Deportivo: identidade, arraigamento, aposta pola canteira, compromiso social e respecto pola historia do Club. Baixo o seu liderado, o RC Deportivo regresou ao fútbol profesional.